「你可唔可以俾啲空间我呀，你搞到我好辛苦……」

「你成日都要管住我……已经比你睇location，仲想点……」 

「你可唔可以坚强啲，独立啲，唔好成日依赖我……」 

「分手啦，你都唔信我，一齐又有咩意思呀……」 

我真係好无安全感，成日都惊佢哋离开我，而矛盾嘅係我成日都chur住佢哋，搞到佢哋透唔到气，好彩嘅就嗌场大交，唔好彩嘅就分手收场。

每一次嗌完交都好后悔，成日都谂点解唔可以忍住？点解要为左咁小事而嗌交？唔知心入面会唔会有条刺？ 

每一段感情都係咁完结，真係好想问自己点解？自己唔值得被爱？自己真係咁差? 

每一次遇到新嘅人，结果都係一样，唔想自己再loop係呢啲关係入面。 

每一段关係我都付出100%嘅爱，做好多野令对方开心，有时候甚至迷失自己……但係得唔到结果，呢种感觉真係好痛… 

有人成日同我讲，下一个会更好，而佢哋唔知我踏出每一步，建立嘅每段关係都要好多勇气…… 

到最后唔敢再拍拖，唔敢再相信爱情……因爲惊自己再比人遗弃。