「你可唔可以俾啲空間我呀，你搞到我好辛苦……」

「你成日都要管住我……已經比你睇location，仲想點……」 

「你可唔可以堅強啲，獨立啲，唔好成日依賴我……」 

「分手啦，你都唔信我，一齊又有咩意思呀……」 

我真係好無安全感，成日都驚佢哋離開我，而矛盾嘅係我成日都chur住佢哋，搞到佢哋透唔到氣，好彩嘅就嗌場大交，唔好彩嘅就分手收場。

每一次嗌完交都好後悔，成日都諗點解唔可以忍住？點解要為左咁小事而嗌交？唔知心入面會唔會有條刺？ 

每一段感情都係咁完結，真係好想問自己點解？自己唔值得被愛？自己真係咁差? 

每一次遇到新嘅人，結果都係一樣，唔想自己再loop係呢啲關係入面。 

每一段關係我都付出100%嘅愛，做好多野令對方開心，有時候甚至迷失自己……但係得唔到結果，呢種感覺真係好痛… 

有人成日同我講，下一個會更好，而佢哋唔知我踏出每一步，建立嘅每段關係都要好多勇氣…… 

到最後唔敢再拍拖，唔敢再相信愛情……因爲驚自己再比人遺棄。