今年考DSE ，自从开学到而家，每日除咗上堂，就係补课，每日都好累。之前上週会，讲升学资讯，啲资讯多到真係唔识拣。其实自己读书唔上唔落，入到大学当然好，但又好似冇咩信心，见身边的同学，好似唔驶点温书，都可以考到好好成绩，心就好葡萄。点解佢哋可以甘叻，而我就成日温完就唔记得。我知道人比人，比死人。一方面，知道不应该比较，但每次见到佢哋甘轻松，我就日温夜温，就觉得自己好惨，不停谂，如果有佢哋甘叻就好。越近DSE, 个人就越嚟越担心，又唔敢同屋企人讲。同啲朋友讲，佢哋就话你都一定入到U , 唔明点解甘紧张，多馀。我...... 都冇气再讲下去。佢哋根本唔明白我。我都想轻松啲，但真係做唔到，我自己都唔想。 

有一日返学，行过条天桥，突然间，有个谂法，想跳落去，个一刻，唔知点解个人突然有自杀的谂法，也坐在係天桥不停咁喊。一阵之后，有个人拍我膊头，我望上去，原来係我体育老师miss 朱，佢好温柔问我发生咩事。这一刻，我忍唔住係咁喊，同佢讲我好辛苦，也唔知点解会有想死的谂法，好惊。Miss 朱陪咗我一阵，同我讲：「唔驶怕，每个人都有软弱的时候，俾我陪你一阵，但我要打电话返一返学校，通知老师我迟返。」之后，佢陪我坐咗1小时，又买野食同野饮俾我，其实老师冇问我任何野，但这份陪伴，令我觉得好舒服，觉得身边有人可以依靠！ 

谢谢你，Miss 朱！