啲人成日讲缘份，佛家好钟意讲“缘起性空”，就话俾你知唔一定系有因先至有果。不过缘份二字代表某一种程度嘅随机性，可能系一啲混沌嘅结果，亦都可能系一个事件诱发出黎嘅蝴蝶效应。

偶然会有啲雾水情缘，能够维持落去嘅缘份唔多，分分合合，可能呢啲系缘份。我都讲唔埋，呢个概念好虚无，或者啱嘅时侯遇上啱嘅人，就系大众认知嘅缘份。

东方人就会讲缘份，西方人我就唔知，不过吸引力法则都系一种缘份嘅体验。物以类聚，人以群分。可能谂法价值观相近，做嘢手段成就差唔多嘅人系会容易摆埋一齐。痴痴呆呆，坐埋一枱，可能都系一种缘份。

缘份嚟到，点都要珍惜，始终天下无不散之筵席，可能下一日你就死咗，或者佢又瓜柴。能够一齐工作，一齐玩乐，呢啲缘份点都要珍惜下挂？

更新时间：1/3/2024