《心情低落》 

「你呢排忙緊咩呀？」 

「忙……」 大概係我哋嘅common status. 

香港人365日可能364日都用黎忙，淨低個日用黎病 

話說係畢業後， 曾經有幾個月時間， 冇搵工， 日日瞓到自然醒，享受抖下食下又一日嘅生活。 

然後換黎嘅係身邊一句又一句：「你唔悶架咩?」 

中文有個成語—悶悶不樂， 形容個種煩悶、憂心、屈住屈住嘅感覺。 

其實就算你唔悶，你都可能會不樂。 

因為個種悶，可能係勞勞碌碌，忙緊、返工、放工、同聽日返工… 

又可能係得過且過，忙到……其實你都唔知係為咗咩？ 

更可能係營營役役， 忙完…… 停左落黎… 根本唔知道應該點樣面對自己？ 

個種冇方向、冇目標、冇控制嘅感覺… 「你唔悶架咩？」 其

實我哋忙得黎， 都真係幾 「悶悶不樂」 

不如我哋今晚一齊， 試下享受悶嘅樂趣？